SALGUEIRO CHORÓN

NOME:

• GALEGO: Salgueiro Chorón
• CIENTÍFICO: Salix babylonica
• CASTELÁN: Sauce llorón
• CATALÁN: Desmai
• EUSKERA: Zume negarti

ORIXE: É unha especie alóctona, procede de Asia. O nome de Salix babylonica por un salmo da Biblia, no que se fala de que durante o exilio dos xudeus en Babilonia, penduraban as súa pregarias dos salgueiros. O nome galego da especie, chorón, vén dado pola conformación das súas pólas colgantes.

DESCRICIÓN : É anxiosperma ( ten flores, froito e sementes), Acada de 10 a 15 metros de altura, aínda que excepcionalmente pode sobrepasar os 20. As pólas son moi flexíbeis, e a súas puntas diríxesense con forza cara o chan, como caendo, de aí o seu aspecto "tristeiro", que lles deu a designación de choróns, nome que aparece noutras linguas: francés pleureur, inglés weeping willow, español llorón, etc.

As follas son alternas, simples, lanceoladas, con dentado fino, estreitas e longas, acadando de 10 a 15 cm de cumprimento, e sostidas por un curto pecíolo.

Son amantes da auga polo que é fácil atopalos preto dos ríos.

FLORES E FROITO : As flores, como noutros salgueiros, están agrupadas en amentos de arredor de 2 cm de longo, recibindo o nome popular de gatiños.

É unha planta dioica, na que as flores masculinas e femininas corresponden a árbores diferentes. En Europa non se coñecen máis que exemplares femias.

O froito é unha cápsula con moitas sementes plumosas.

Reprodúcese facilmente por espeto.

USOS: É unha árbore ornamental, de uso moi estendido, case sempre de forma illada para poder apreciar o seu porte.