LIQUIDAMBAR

NOME:

• GALEGO: Liquidambar
• CIENTÍFICO: Liquidambar
• CASTELÁN: Liquidambar
• CATALÁ: Liquidámbar
• EUSKERA: Likidanbarra 
  
  

ORIXE: Liquidambar: nome xenérico que deriva da palabra latina liquidus e a palabra árabe para ambar, aludindo ao líquido de cor ámbar que produce.

  É unha árbore alóctona e segundo a a especie podémola atopar na China e no sueste asiático, en Turquía e Grecia e en parte de América. En Europa desapareceu no Terciario como consecuencia da glaciación. En Galicia plántase moito en xardíns e rúas urbanas.

DESCRICIÓN : Son anxiospermas ( teñen flores, froito e sementes). Son árbores grandes, caducifolias de 25 a 40 m de altura, aromáticos e resinosos. A cortiza é gris pardo, profundamente sucada, con follas palmeadas e lobuladas (de 3 a 7 lóbulos), de longos pecíolos e dispostas en espiral nas pólas e coa marxe serrada e glandular.

FLORES E FROITO As flores son miúdas, unisexuais e verdosas, sen sépalos nin pétalos e producen unha inflorescencia en forma de acio pedunculado de 1 a 2 cm de diámetro O froito é multicapsular de 2 a 4 cm de diámetro e con numerosas sementes.

USOS: É unha popular árbore ornamental particularmente en áreas temperadas con veráns calorosos. Plántase principalmente pola súa follaxe, xa que no outono tórnase a fermosas cores amarelas e arroibadas. As árbores producen unha goma, coñecida como estorax, usada na menciña tradicional Esta goma tamén contén unha pequena cantidade de estireno, do cal a industria petroquímica alemá obtivo un plástico chamado poliestireno.